Организаторите на Кавадаречкиот полумаратон ја покренаа иницијативата за формирање на Македонската Тркачка Лига – прва официјална лига за улични трки во Македонија. Целта на лигата е да поттикне поголема мотивација кај тркачите, да ги обедини трките во заеднички систем и да овозможи ново, уникатно искуство за сите учесници. 13 трки го прифатија предизвикот да бидат дел од нова ера во уличното трчање во Македонија.
Да ја обединиме тркачката заедница и да поттикнеме континуиран напредок.
Да создадеме фер и транспарентен систем што мотивира и наградува тркачи.
Ги мотивираме луѓето да учествуваат во трки и да ја развиваат тркачката култура во Македонија.
13 трки низ Македонија здружено создаваат единствен систем што ги поврзува тркачите и организаторите.
Со следење на ранг листата, секој натпреварувач може да ги подобрува своите резултати и да поставува нови цели.
Без разлика на возраста и нивото на искуство, секој учесник има можност да се натпреварува и да напредува.
Секој што учествува на било која од 13-те трки автоматски станува дел од лигата, без дополнителни пријави.
Првпат се формира национална тркачка лига што ги поврзува трките и натпреварувачите во единствен систем, оставајќи траен отпечаток во уличното трчање и спортот..
