Со учество на некоја од следните трки, автоматски станувате дел од Македонската Тркачката Лига: o Кавадаречки Полумаратон o Шри Чинмој маратон o ЗЕГИН Спектратон o Semos Education Run 10K o Superior Runs o ХалкЕко Скопје Трча 10К o Охрид ТрчаТ o Трчаме за Рацин o Че Трчаме o Трчај Бе o Виз Ер Скопски Маратон o KRun o November Run
Во Македонската Тркачка Лига се рангираат само натпреварувачи од Македонија.
Секој ваш резултат на трка која е дел од лигата, без разлика дали настапувате на 5 км, 10 км, 21 км или 42 км, се бодува според табелата на Светска Атлетика: Линк до таблицата
Ранг-листата во лигата се ажурира автоматски во рок од 5 часа по завршувањето на секоја трка.
Рангирањето се врши одделно за машка и женска конкуренција и се базира на збирот на бодовите освоени на сите трки во лигата. Во рангирањето се прикажува вкупниот збир на бодови, како и бројот на трките во кои сте учествувале. Штафетни трки не влегуваат во бодување. Покрај рангирањето во генерален пласман, ќе има и рангирње во возрасни категории за мажи и жени. Категориите се следни, од 40 до 44 год., од 45 до 49 год., од 50 до 54 год., од 55 до 59 год., од 60 до 64 год., од 65 до 69 год., 70+ години.
Во случај двајца или повеќе натпреварувачи да имаат ист број бодови, предност ќе има оној кој учествувал на повеќе трки. Ако и бројот на трки е ист, повисоко ќе биде рангиран оној со резултат кој има повеќе бодови.
Доколку резултатот на било која должина не достигне минимум од 1 бод според табелата на Светска Атлетика, истиот нема да биде земен предвид при пресметката на бодовите за генералниот пласман во лигата. За рангирањето во возрасните категории, за категориите од 50+ години ќе се одземаат одреден број на минути (ќе објавиме наскоро колку) од постигнатиот резултат и според таа пресметка ќе се бодуваат резултатите во тие возрасни категории. Напоменуваме ова правило ќе важи само за рангирањето во возрасните категории 50+, додека во останатите категории и генералниот пласман бодувањето е според вредноста на резултатот од табелата на Светска Атлетика. Ова се минимални резултати за 1 бод: Мажи 5км – 00:23:41 10км – 00:51:46 21км – 01:57:17 42км – 04:11:16 Жени 5км – 00:34:24 10км – 01:13:43 21км – 02:56:41 42км – 06:22:49
За да може системот автоматски да ги препознае и спои вашите резултати, задолжително е на сите трки од лигата да се пријавувате со истото име и презиме, точен датум на раѓање и исто писмо (кирилично или латинично).
Доколку забележите дека некој ваш резултат недостасува во рангирањето, ве молиме контактирајте нè на info@tagtiming.mk , при што треба да го наведете: o Вашето име и презиме o Датум на раѓање o Резултатот од трката o Учество на други трки од лигата (ако е применливо)
Основачите/организаторите на лигата, по завршувањето на сезоната, ќе ги прогласат најдобрите 5 натпреварувачи во машка и женска конкуренција во генерален пласман, и првите најдобри (машко/женско) во секоја возрасна категорија. За да ги добиете наградите услов е да завршите најмалку 50% од трките кои се дел од лигата (значи 7 од 13 трки). Доделувањето на признанија и награди ќе се одржи на последната трка од лигата или на посебна церемонија (дополнителни информации за наградите ќе бидат објавени во текот на сезоната).
